|
ალბერტ რიერამ დღეს ინტერვიუში თავისი თანაგუნდელები გაამხნევა და ჩემპიონთა ლიგის ჯგუფური ეტაპის დაძლევის დიდი სურვილი გამოთქვა.
წითლებს მხოლოდ ერთი ქულაღა აკლიათ ჩემპიონთა ლიგის ჯგუფური ეტაპის დაძლევისთვის. წითლებმა გუშინ ატლეტიკოსთან 1-1 ითამაშეს და ჯგუფში ატლეტიკოსთან ერთად 8 - 8 ქულით ლიდერობენ.
ესპანელმა ნახევარმცველმა ალბერტ რიერამ განაცხადა, რომ გუნდი ყველანაირად ეცდება, რომ მარსელი და პსვ დაამარცხოს.
" გუშინდელმა ფრემ ჩვენ მნიშვნელოვანი ქულა მოგვიპოვა. "
" ჩვენ ვიცოდით, რომ მოგებით შემდეგ ეტაპზე გადავიდოდით, მაგრამ ეს სამწუხაროდ არ მოხდა. მიუხედავად ამისა ფრეც კარგი შედეგია. "
" ჩვენ ვეცდებით ყველაფერი გავაკეთოთ იმისთვის, რომ ჩვენი დარჩენილი ორი მატჩი მოვიგოთ. ჩვენ გვინდა, რომ პირველ ადგილზე გავიდეთ ჯგუფში. "
რიერამ კიდევ ერთი იმედისმომცემი მატჩი ჩაატარა გუშინ. იგი 61 წუთზე რაიან ბაბელმა შეცვალა.
ესპანელს სჯერა, რომ ლივერპულმა დაიმსახურა ფრე გუშინდელ მატჩში.
" პირველ ტაიმში კარგად ვერ ვითამაშეთ და მეტოქემ დაგვსაჯა. მეორე ტაიმში ჩვენ თამაში გამოვასწორეთ და ბევრი მომენტიც გვქონდა. ვფიქრობ, რომ ფრე დავიმსახურეთ. "
| 
