ესპანეთის ფეხბურთელთა ეროვნული ნაკრებისა და “ლივერპულის” ფორვარდი ფერნანდო ტორესი მისი “ჩელსიში” შესაძლო გადასვლის შესახებ გავრცელებულ ინფორმაციას კატეგორიულად უარყოფს.
“ბოლო რამდენიმე თვის განმავლობაში ჩემს შესახებ არაერთი ჭორი მოვისმინე, მაგრამ “ლივერპულის” დატოვება ჩემს გეგმებში არ შედის. აქ გადმოსვლას ყველაზე სწორ ნაბიჯად მივიჩნევ. გუნდში ბევრი ესპანელი ფეხბურთელი თამაშობს, ესპანელი მწვრთნელი გვხელმძღვანელობს და გარდა ამისა, მსოფლიოში საუკეთესო კაპიტანი გვყავს. ასე რომ, აქ ყველა პირობა მაქვს შექმნილი განვითარებისთვის და სხვა კლუბები არ მაინტერესებს” – აცხადებს 24 წლის თავდამსხმელი, რომელიც “ლივერპულის” ღირსებას 2007 წლიდან იცავს და მერსისაიდელთა მაისურით დღემდე ჩატარებულ 40 მატჩში მის ანგარიშზე 29 გოლი ირიცხება.