ესპანეთის ეროვნული ნაკრებისა და ინგლისის “ლივერპულის” თავდამსხმელი ფერნანდო ტორესი გამოჯანმრთელდა და შაბათს პრემიერლიგაში “ვესტ ბრომვიჩის” წინააღმდეგ მოედანზე გასასვლელად მზად არის.
ამის შესახებ ESPN-ი იუწყება.
ტორესმა ტრავმა ესპანეთის ნაკრების შემადგენლობაში ბელგიასთან 2010 წლის მსოფლიო ჩემპიონატის შესარჩევი ტურნირის მატჩში მიიღო.
ამის გამო, 24 წლის ფეხბურთელმა, რომელმაც მიმდინარე სეზონში “ლივერპულის” შემადგენლობაში 5 გოლი გაიტანა, სამი კვირა გამოტოვა.
ესპანელი ფორვარდი ინგლისურ კლუბში 2007 წლიდან გამოდის და 39 მატჩში 29 გოლი გაიტანა.
საკუთარი ქვეყნის ეროვნულ გუნდში იგი 2003 წლიდან ასპარეზობს და 57 შეხვედრაში მეტოქის კარი 17-ჯერ აიღო.