ინგლისის “ლივერპულის” მთავარი მწვრთნელის რაფაელ ბენიტესის აზრით, არგენტინის ეროვნული ნაკრების ახალმა თავკაცმა დიეგო მარადონამ სწორი არჩევანი გააკეთა, როდესაც კაპიტნის სამკლავური ხავიერ მასკერანოს გადასცა. ამის შესახებ ბრიტანული გამოცემა Northampton Chronicle იუწყება. “მასკერანოს კაპიტნის ყველა თვისება აქვს. ვთვლი, რომ ეროვნული გუნდის კაპიტნობა ნებისმიერი ფეხბურთელისთვის საპასუხისმგებლო და საპატიო მისიაა. მითუმეტეს, ისეთ ნაკრებში როგორიც არგენტინაა” – აღნიშნა ბენიტესმა. 19 ნოემბერს არგენტინელები ამხანაგურ შეხვედრას გლაზგოში შოტლანდიასთან ჩაატარებენ და მარადონამ მომავალ თამაშში გუნდის გაძღოლა სწორედ მასკერანოს ანდო. “ლივერპულის” 24 წლის ნახევარმცველი არგენტინის ნაკრების ღირსებას 2003 წლიდან იცავს და გუნდის რიგებში ჩატარებულ 45 მატჩში მეტოქის კარი 2-ჯერ აიღო.
კატეგორია: სიახლეები | ნანახია: 445 - ჯერ | დამატებულია: lasha_liverpool - მიერ | Rating: 0.0/0 |
Total comments: 0
Only registered users can add comments. [ Register | Log in ]
