ინგლისის "ლივერპულის" კარის დარაჯ ხოსე რეინას აზრით, შესაძლოა, მის გუნდს, პრემიერლიგაში გაჩემპიონებაში ხელი ფეხბურთელთა გამოუცდელობამ შეუშალოს, რომელთაც აღნიშნულ ასპარეზობაში არასოდეს გაუმარჯვიათ. ამის შესახებ ბრიტანული ინტერნეტ-გამოცემა Sky Sports-ი იუწყება. "უკვე 18 წელია პრემიერლიგა არ მოგვიგია და ძალიან უნდა მოვინდომოთ, რომ ეს უსიამოვნო ტრადიცია დავარღვიოთ. ჩვენი მთავარი კონკურენტები "მანჩესტერ იუნაიტედი" და "ჩელსი" კი, პირიქით, გამოცდილი მებრძოლები არიან, რადგან ბოლო წლებში, მათ ტიტული არაერთხელ მოიპოვეს. ცხადია, ეს ფაქტორი მათ უპირატესობას ანიჭებთ" - ამბობს რეინა. პრემიერლიგის მიმდინარე სეზონში, 12 ტურის შემდეგ, "ლივერპულს" 29 ქულა აქვს და სატურნირო ცხრილში მეორე პოზიციაზე იმყოფება.
კატეგორია: სიახლეები | ნანახია: 600 - ჯერ | დამატებულია: lasha_liverpool - მიერ | Rating: 4.0/1 |
